NUR TƏFSİRİ: Əl-İsra surəsi / ayə 81
"De ki, haqq gəldi və batil məhv oldu. Həqiqətən, batil məhv olasıdır.”
Nöqtələr
"Həqq” sözü sabit və qalarlı mənasını bildirir. Çünki Allah və Onun tərəfindən olan hər bir şey haqdır. "Həqq” Allahın adlarından biridir. "Zəhuq” sözü "getmək” mənasını bildirir. "Zəhəqə-nəfsuhu”, yəni "ruhu bədəndən xaric oldu”.
Bu ayənin İslamın zühuru, Mədinəyə giriş, Məkkənin fəthi, bütlərin sındırılması kimi nümunələri var. Bütün bu hadisələrdə batil məğlub oldu. Amma ayənin məfhumu daha əhatəlidir və o, batilin puçluğunu, haqqın əbədiliyini müjdə verir.
Haqqın əbədiliyi xülya və təsadüf yox, Allahın qanunudur. Haqq tərəfdarları nə qədər az olsalar da, bu qanun ödənəsidir. Çünki haqq su kimi sabit, batil köpük kimi fanidir.(Bax: "Bəqərə”, 185 )
Quran buyurur: "Biz haqqı batilə vurar və batili məhv edərik.”(Bax: "Bəqərə”, 2 ) Bəli, bu halda batil aradan çıxasıdır. Ona görə də haqq qüdrət və əzmlə batilə hücum etməlidir.
Bildirişlər
1. Peyğəmbər (s) sonda haqqın qələbəsini qətiyyətlə elan etməlidir.
2. Batili aradan qaldırmaq üçün haqqı meydana gətirmək lazımdır.
3. Sonda batil məhv olası, haqq qüdrətə çatasıdır.
4. Batilin gedişlərindən və manevrlərindən qorxmaq lazım deyil, onun ikinci nəfəsi yoxdur.