NUR TƏFSİRİ: Ən-Nisa surəsi / ayə 116
"Həqiqətən, Allah Ona şərik qoşulmasından (tövbəsiz) keçmir. Amma bundan aşağı və azını istədiyi kəsə bağışlayır. Allaha şərik qoşan hər kəs, şübhəsiz, azmışdır. Uzun-uzadı bir azğınlıq!”
Nöqtələr
Bu ayə azca fərqlə hazırkı surənin 48-ci ayəsində bəyan olunmuşdur. Bəli, hidayət və tərbiyədə təkrar zəruridir.
Dərin ruhi xəstəlik olan şirkin kökü kəsilməyincə saleh əməllərin və əxlaqın faydası yoxdur. Tövbə şirkin dərmanıdır. Müşrik ilahi əfv və rəhmətə çatmaq üçün şirk dairəsini tərk etməlidir.
Bu ayə Quranın ən ümidverici ayələrindəndir.("Təfsire-Ətyəbul-Bəyan”. )
Bildirişlər
1. Allahın rəsulu ilə müxalifətçilik, müsəlmanların vəhdətinin pozulması (əvvəlki ayədə bu məsələyə işarə olundu) şirkin bir növüdür.
2. Şirk bağışlanmayan ən böyük günahdır.
3. İnsan Allahın bağışlamasına münasibətdə qorxu və ümid arasında olmalıdır.
4. Şirk hər növ kamaldan uzaqlıq səbəbidir.