NUR TƏFSİRİ: Yusif surəsi / ayə 107
"Görən (iman gətirməyənlər) ilahi əzabın onları bürüyəcəyindən və ya Qiyamətin qəfildən bərpa olacağından amandadırlarmı?”
Nöqtələr
"Ğaşiyə” dedikdə cəmiyyət və ya fərdi əhatə edən əzab nəzərdə tutulur.
Bildirişlər
1. Kimsə özünü sığortalanmış saymasın.
2. İnsanın doğru yolu tutması üçün onun ilahi əzabı mümkün sayması kifayətdir. Məsələ bundadır ki, bəziləri belə bir ehtimal da vermir.
3. Allahın qəzəbi əhatəlidir və bu əzabdan qaçmaq mümkünsüzdür.
4. İnsanın bədbəxt olması üçün cüzi əzab bəsdir.
5. Qiyamətin yada salınması tərbiyə amilidir.